ଗୁଜୁରାଟ : ଗୁଜୁରାଟର ରାଜକୋଟ ସହରରେ ଦୁର୍ଘଟଣା ଘଟିଛି । ରବିବାର ରାତିରେ ଗଣେଶ ପଣ୍ଡାଲ ନିକଟରେ ଏକତ୍ରିତ ହୋଇଥିବା ଲୋକଙ୍କ ଚାପ ଯୋଗୁଁ ଡ୍ରେନେଜ ଲାଇନ ସ୍ଲାବ ଖସି ପଡିଥିଲା । ଏହି ଘଟଣାରେ ଅତି କମରେ ୧୨ ଜଣ ଆହତ ହୋଇଥିଲେ। ଅଗ୍ନିଶମ କର୍ମଚାରୀ ୨୦ରୁ ଅଧିକ ଲୋକଙ୍କୁ ଉଦ୍ଧାର କରିଛନ୍ତି। ଆହତ ୧୨ ଜଣଙ୍କୁ ଚିକିତ୍ସା ପାଇଁ ସିଭିଲ ହସ୍ପିଟାଲକୁ ନିଆଯାଇଥିଲା।
ରାଜକୋଟ କଲେକ୍ଟର ପ୍ରଭାସ ଯୋଶୀ କହିଛନ୍ତି ଯେ ଡ୍ରେନକୁ ଆଚ୍ଛାଦନ କରୁଥିବା କଂକ୍ରିଟ ସ୍ଲାବ ଖସିଯିବା ପରେ ଅନେକ ଲୋକ ଡ୍ରେନରେ ପଡ଼ିଯାଇଥିଲେ। ଘଟଣାସ୍ଥଳକୁ ସମୁଦାୟ ୧୧ ଟି ଆମ୍ବୁଲାନ୍ସ ପଠାଯାଇଥିବା ବେଳେ ଅଗ୍ନିଶମ କର୍ମଚାରୀ ୨୦ରୁ ଅଧିକ ଲୋକଙ୍କୁ ଉଦ୍ଧାର କରିଥିଲେ। ସେ କହିଛନ୍ତି ଯେ ସେମାନଙ୍କ ମଧ୍ୟରୁ ୧୨ ଜଣଙ୍କୁ ଚିକିତ୍ସା ପାଇଁ ସିଭିଲ ହସ୍ପିଟାଲକୁ ନିଆଯାଇଥିଲା।
ଏହି ଅଞ୍ଚଳର ଷ୍ଟ୍ରିଟ୍ଫୁଡ୍ ପାଇଁ ବେଶ୍ ଜଣାଶୁଣା ଏବଂ ପ୍ରତିଦିନ ବହୁ ସଂଖ୍ୟକ ଲୋକ ଏଠାକୁ ଆସନ୍ତି । ଏନେଇ ଅଧିକାରୀମାନେ କହିଛନ୍ତି ଯେ ରବିବାର ସନ୍ଧ୍ୟାରେ ଏହି ସଂଖ୍ୟା ସ୍ୱାଭାବିକ ଠାରୁ ଅଧିକ ଥିଲା କାରଣ ଭକ୍ତମାନେ ମଧ୍ୟ ସେହି ଅଞ୍ଚଳର ଏକ ଥିବା ଭଗବାନ ଗଣେଶଙ୍କୁ ପୂଜା କରିବାକୁ ଆସିଥିଲେ। ଯେଉଁଥିପାଇଁ ଏହି ଦୁର୍ଘଟଣା ହୋଇଥିଲା।
