ଟୋକିଓ: ଯଦିଓ କୋଭିଡ୍-୧୯ ବିଷୟରେ ଲୋକଙ୍କ ମନରେ ଭୟ ସମାପ୍ତ ହୋଇଛି, ତଥାପି ଏହି ଭୁତାଣୁ ଏବେ ମଧ୍ୟ ଆତଙ୍କ ରଚୁଛି। ସମ୍ପ୍ରତି କରୋନାର ନୂଆ ଭାରିଆଣ୍ଟ କେପି.୩ ଜାପାନରେ ଲୋକଙ୍କ ଜୀବନ ପ୍ରତି ବିପଦ ପାଲଟିଛି। ଗତ କିଛି ସପ୍ତାହ ମଧ୍ୟରେ, ଏହି ନୂଆ ଭାରିଆଣ୍ଟ ସଂକ୍ରମଣ ମାମଲା ଦ୍ରୁତ ଗତିରେ ବୃଦ୍ଧି ପାଇଛି। ଫଳରେ ଜାପାନରେ କରୋନାର ଏକାଦଶ ଲହରର ଆତଙ୍କ ସୃଷ୍ଟି କରିଛି। ଫଳରେ ଦେଶରେ ଫେରୁଛି ମାସ୍କ ଫେରିଛି। ଅଧିକ ସଂକ୍ରମଣ ହେଲେ ଲକଡାଉନ୍ ଫେରିବାର ଆଶଙ୍କା ମଧ୍ୟ ରହିଛି।
କେବଳ ଜାପାନରେ ନୁହେଁ, ଆମେରିକାରେ ମଧ୍ୟ ଗତ ମାସରେ କରୋନା ଭାରିଆଣ୍ଟ ଏଫଏଲଆଇଆରଟି ମାମଲାରେ ବୃଦ୍ଧି ଘଟିଥିଲା। ବର୍ତ୍ତମାନ ଦେଶରେ କରୋନା ସଂକ୍ରମଣ ନିୟନ୍ତ୍ରଣରେ ଅଛି, କିନ୍ତୁ ପ୍ରଶ୍ନ ହେଉଛି ଜାପାନ ଏବଂ ଆମେରିକାର ନୂଆ କରୋନା ଭାରିଆଣ୍ଟ ଭାରତରେ ବିସ୍ତାର ହୋଇପାରେ କି?
ଦିଲ୍ଲୀ ମେଡିକାଲ ଆସୋସିଏସନର ପୂର୍ବତନ ସଭାପତି ତଥା ବରିଷ୍ଠ ଚିକିତ୍ସକ ଡାକ୍ତର ଅନିଲ ବଂଶଲ ଏକ ସାକ୍ଷାତକାରରେ କହିଛନ୍ତି ଯେ କରୋନାର ନୂଆ ଭାରିଆଣ୍ଟ ଅଧିକ ସଂକ୍ରାମକ ଏବଂ ଏହା ଅତି ଶୀଘ୍ର ବ୍ୟାପିଥାଏ। ସୂଚନା ଅନୁଯାୟୀ, ଏପର୍ଯ୍ୟନ୍ତ ଜାପାନରେ ଲୋକଙ୍କୁ ସଂକ୍ରମିତ କରୁଥିବା ନୂଆ ଭାରିଆଣ୍ଟ ହେଉଛି କେପି.୩ ଯାହା ଅତ୍ୟଧିକ ସଂକ୍ରାମକ ଅଟେ। ଏହି କାରଣରୁ, ସେଠାରେ ଥିବା ଅନେକ ଡାକ୍ତରଖାନାରେ ଶଯ୍ୟା ପୂର୍ଣ୍ଣ ହୋଇ ଯାଇଛି। ଏକ ନୂଆ ଲହର ଭୟ ମଧ୍ୟ ବୃଦ୍ଧି ପାଇଛି। ଏହି ନୂଆ ଭାରିଆଣ୍ଟ ସେହି ଲୋକମାନଙ୍କୁ ସଂକ୍ରମିତ କରୁଛି ଯେଉଁମାନେ କୋଭିଡ୍ ଟିକା ନେଇଛନ୍ତି ।
କେପି.୩ ଭାରିଆଣ୍ଟ ର ଲକ୍ଷଣଗୁଡ଼ିକ ପୂର୍ବ ଭାରିଆଣ୍ଟଗୁଡ଼ିକ ସହିତ ସମାନ। ସେଥିମଧ୍ୟରେ ଅଧିକ ଜ୍ୱର, ଗଳା ଯନ୍ତ୍ରଣା, ମୁଣ୍ଡବିନ୍ଧା, ଅତ୍ୟଧିକ ଥକ୍କା, ଗନ୍ଧ ଏବଂ ସ୍ୱାଦ ବାରି ନ ପାରିବା ଆଦି ରହିଛି। ତଥାପି, ଏହି ନୂଆ ଭାରିଆଣ୍ଟ ବିଷୟରେ ବର୍ତ୍ତମାନ ଅଧିକ କିଛି କୁହାଯାଇପାରିବ ନାହିଁ ବୋଲି ସେ କହିଛନ୍ତି। ତେବେ ଭାରତ ପାଇଁ ସତର୍କ ସୂଚନା ରହିଛି।
ସେ କହିଛନ୍ତି ଯେ କରୋନା ନୂଆ ଭାରିଆଣ୍ଟ କୌଣସି ପ୍ରକାର ଏକ ଦେଶରୁ ଅନ୍ୟ ଦେଶକୁ ଯିବା ଆସିବା କରୁଥିବା ଲୋକଙ୍କ ମାଧ୍ୟମରେ ବ୍ୟାପିପାରେ। ପ୍ରାରମ୍ଭରେ କରୋନା ଚାଇନାର ୱୁହାନରୁ ଆରମ୍ଭ ହୋଇଥିଲା ଏବଂ ଧୀରେ ଧୀରେ ସମଗ୍ର ବିଶ୍ୱରେ ବ୍ୟାପି ଯାଇଥିଲା। ଯଦିଓ ବର୍ତ୍ତମାନ ଭାରତରେ ପରିସ୍ଥିତି ନିୟନ୍ତ୍ରଣରେ ଅଛି ଏବଂ ନୂଆ ଭାରିଆଣ୍ଟ କାରଣରୁ କରୋନା ଲହରର ଆଶଙ୍କା ଅଧିକ ନାହିଁ, କିନ୍ତୁ ସତର୍କତା ଅବଲମ୍ବନ କରିବାକୁ ପଡିବ।
ଯଦି ଦେଶରେ ଏହି ନୂଆ ଭାରିଆଣ୍ଟର ମାମଲା ଦେଖିବାକୁ ମିଳେ, ତେବେ ତାହାକୁ ଠିକ୍ ସମୟରେ ନିୟନ୍ତ୍ରଣ କରିବାକୁ ପଡିବ। କରୋନାର ନୂଆ ଭାରିଆଣ୍ଟଗୁଡିକ ସମୟ ସମୟରେ ଆସେ ଏବଂ ଭବିଷ୍ୟତରେ ମଧ୍ୟ ଏହା ଘଟିବ। ତେବେ ଏହାକୁ ରୋକିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଦିଲ୍ଲୀର ମାସା ସ୍ପେସିଆଲିଟି ହସ୍ପିଟାଲର ଆଭ୍ୟନ୍ତରୀଣ ଚିକିତ୍ସା ବିଭାଗର ବରିଷ୍ଠ ପରାମର୍ଶଦାତା ଡାକ୍ତର କାର୍ତ୍ତିକେୟ କୋହଲି ଏକ ସାକ୍ଷାତକାରରେ କହିଛନ୍ତି ଯେ ଯେତେବେଳେ ବି କରୋନାର ଏକ ନୂଆ ଭାରିଆଣ୍ଟ ଆସେ, ସେତେବେଳେ ଟିକାକରଣର ପ୍ରଭାବ କମିଯାଏ। ନୂଆ ଭାରିଆଣ୍ଟ ଉପରେ ଟିକା କେତେ ପ୍ରଭାବଶାଳୀ ହେବ ତାହା କେବଳ ଅନୁସନ୍ଧାନ ପରେ କୁହାଯାଇପାରିବ। ତଥାପି, କୋଭିଡ୍ ଟିକା କିଛି ପରିମାଣରେ ନୂଆ ଭାରିଆଣ୍ଟରୁ ରକ୍ଷା କରିପାରିବ।
ଏହା ବ୍ୟତୀତ, ଲୋକମାନଙ୍କ ଶରୀରରେ ଗୋଷ୍ଠୀ ସଂକ୍ରମଣ ପ୍ରତିରୋଧକ ଶକ୍ତି ମଧ୍ୟ ବିକଶିତ ହୋଇଛି, ଯାହା ନୂଆ ଭାରିଆଣ୍ଟର ମୁକାବିଲା କରିବାକୁ ସହଜ କରିପାରେ। ଲୋକମାନେ ତଥାପି ସତର୍କତା ଅବଲମ୍ବନ କରିବା ଉଚିତ ଏବଂ ଜନଗହଳି ପୂର୍ଣ୍ଣ ସ୍ଥାନକୁ ଯିବା ଠାରୁ ଦୂରେଇ ରହିବା ଉଚିତ୍। ଯଦି କୌଣସି ପ୍ରକାରର ସମସ୍ୟା ଥାଏ, ତେବେ ଡାକ୍ତରଙ୍କ ସହିତ ପରାମର୍ଶ କରି ଏହାର ଯାଞ୍ଚ କରିବା ଜରୁରୀ।
ଡାକ୍ତରଙ୍କ କହିବାନୁସାରେ, ଦୁର୍ବଳ ପ୍ରତିରୋଧକ ଶକ୍ତି ଥିବା ବ୍ୟକ୍ତି, ବୃଦ୍ଧ ଓ ପିଲାମାନଙ୍କ ପାଇଁ କରୋନା ସଂକ୍ରମଣର ଆଶଙ୍କା ଅଧିକ। ଏହି ସଂକ୍ରମଣ ସାଂଘାତିକ ପ୍ରମାଣିତ ହୋଇପାରେ ଯେଉଁମାନେ ପୂର୍ବରୁ ମଧ୍ୟ ଗୁରୁତର ରୋଗରେ ପୀଡିତ ଥିଲେ। ଯେତେବେଳେ କି ଅନ୍ୟ ଲୋକମାନେ ମଧ୍ୟ ଏହାର ଶିକାର ହୋଇପାରନ୍ତି। ସମସ୍ତେ ଏହାକୁ ଏଡାଇବାକୁ ଚେଷ୍ଟା କରିବା ଉଚିତ୍। ବର୍ତ୍ତମାନ ବର୍ଷା ଋତୁ ଚାଲିଛି ଏବଂ ଏହି ଋତୁରେ ଭୁତାଣୁଙ୍କର ବିପଦ ବଢ଼ିଚାଲିଛି। ତେଣୁ, ଏହି ଋତୁରେ ଲୋକମାନେ ଅତ୍ୟଧିକ ସତର୍କତା ଅବଲମ୍ବନ କରିବା ଉଚିତ ଏବଂ ଯଦି ଲକ୍ଷଣ ଦେଖାଯାଏ ତେବେ ଡାକ୍ତରଙ୍କ ସହିତ ଯୋଗାଯୋଗ କରିବା ଉଚିତ୍।