ଝଙ୍କଡ : ସେବା ଓ ଆଧ୍ୟାତ୍ମିକ ପ୍ରଚାର ପ୍ରସାର ଧର୍ମୀ ସଂଗଠନ ବ୍ୟାସ ଫାଉଣ୍ଡେସନ ତାର ଦୈନନ୍ଦିନ ସେବା କାର୍ଯ୍ୟ ମାଧ୍ୟମରେ ଜିଲ୍ଲା ଓ ଜିଲ୍ଲା ବାହାରେ ଅନେକଙ୍କ ଶ୍ରଦ୍ଧା ଓ ସଂମ୍ମାନ ସାଉଁଟି ପାରିଛି।ବିଶେଷ କରି ମାନସିକ ଭିନ୍ନକ୍ଷମ ମାନଙ୍କୁ ଉଦ୍ଧାର ଓ ଥଇଥାନ କରିବାର ନିଆରା ପ୍ରୟାସ ରେ ସଫଳ ହୋଇପାରିଛି ସଂଗଠନ। ସଂଗଠନ ର ଅଧକ୍ଷା ଶ୍ରୀମତୀ ସ୍ନେହମୟୀ ଆଚାର୍ଯ୍ୟ ଙ୍କ ଅସୁସ୍ଥତା ଓ ସାମାନ୍ୟ ଆରୋଗ୍ୟ ପରେ ପୁଣି ଥରେ ସଂଗଠନ ର କର୍ମକର୍ତ୍ତା ଙ୍କ ମାଧ୍ୟମରେ ସେବା କାର୍ଯ୍ୟରେ ମନୋ ନିବେଶ କରିଛନ୍ତି।ଆଜି ବନ୍ଦର ନଗରୀ ପାରାଦୀପ ଅଂଚଳରୁ ଉପସଭାପତି ଶ୍ରୀମତୀ ରଶ୍ମିତା ନାୟକଙ୍କ ପ୍ରତ୍ୟକ୍ଷ ତତ୍ୱାବଧାନ, ସଭ୍ୟ ବିପିନି ମାଝୀ, ସଂଗ୍ରାମ ନାୟକ, ତଥା ସଭାପତି ପଣ୍ଡିତ ଡ ସିଦ୍ଧେଶ୍ଵର ପଣ୍ଡା, ପାରାଦୀପ ଅଞ୍ଚଳ ର ବିଭିନ୍ନ ଗଣମାଧ୍ୟମ ର ପ୍ରତିନିଧି ଙ୍କ ସହଯୋଗ କ୍ରମେ ୧୩ଜଣ ମାନସିକ ଭିନ୍ନକ୍ଷମ ପୁରୁଷ ଓ ମହିଳାଙ୍କୁ ଉଦ୍ଧାର କରି ସଂଗଠନ ତାର ନିଜସ୍ୱ ଉଦ୍ୟମରେ ଓ ଜିଲ୍ଲା ସାମାଜିକ ସୁରକ୍ଷା ଅଧିକାରୀଙ୍କ ପତ୍ରାଙ୍କ ଆଧାରରେ ନୀଳାଚଳ ସେବା ପ୍ରତିଷ୍ଠାନ କଣାସ ପୁରି ଠାରେ ଅବସ୍ଥାପିତ କରିପାରିଛନ୍ତି । ଏଥି ପାଇଁ ଶ୍ରୀମତୀ ଆଚାର୍ଯ୍ୟ ଓ ଶ୍ରୀମତୀ ନାୟକ ପାରାଦୀପ ଅଞ୍ଚଳ ର ଗଣମାଧ୍ୟମର ପ୍ରତିନିଧି ତଥା ନୀଳାଚଳ ସେବା ପ୍ରତିଷ୍ଠାନ ର ପ୍ରତିଷ୍ଠାତା ଓ ସମସ୍ତ ତତ୍ୱାବଧାରକ ଭାଇ ଭଉଣୀ ମାନଙ୍କୁ କୃତଜ୍ଞତା ଜଣାଇଛନ୍ତି। ବ୍ୟାସ ଫାଉଣ୍ଡେସନ ର ଏପରି ଉତ୍ସର୍ଗୀକୃତ ସେବା କାର୍ଯ୍ୟ ପାଇଁ ପୌରାଧକ୍ଷ ଶ୍ରୀଯୁକ୍ତ ବସନ୍ତ ବିଶ୍ୱାଳ, ଶ୍ରମିକ ନେତା ଶ୍ରୀଯୁକ୍ତ ରାକେଶ ପଟ୍ଟନାୟକ, ସତ୍ୟସାଇ ସେବା ସଂଗଠନ ରାଜ୍ୟ ନ୍ୟଷ୍ଟି ଶ୍ରୀଯୁକ୍ତ ଅନ୍ତର୍ଯ୍ୟାମୀ ପଟ୍ଟନାୟକ, ବରିଷ୍ଠ ଆଇନଜୀଵୀ ସୁରେଶ ଚନ୍ଦ୍ର ଦାସ ପ୍ରମୁଖ ପ୍ରଂଶସା କରିଛନ୍ତି।
