ବାଲେଶ୍ବର ୧୩।୭: ବାଲେଶ୍ୱର ଜିଲ୍ଲା ଓ ଦୌରାଜଜ୍ ଅଦାଲତକୁ ବୋମାରେ ଉଡ଼ାଇଦେବାକୁ ନେଇ ଏକ ଧମକପୂର୍ଣ୍ଣ ଇ-ମେଲ୍ ଆସିଥିବା ସୂଚନା । ବିଚାରପତିଙ୍କ ନିକଟକୁ ଆସିଥିବା ବୋମା ଧମକ ଖବର ପ୍ରଚାରିତ ହେବା ପରେ କୋର୍ଟ ପରିସରରେ ଆତଙ୍କ ଖେଳିଯାଇଥିଲା । କୋର୍ଟରେ ଉପସ୍ଥିତ ଆଇନଜୀବୀ, କର୍ମଚାରୀ ଓ ସାଧାରଣ ଲୋକ ଭୟଭୀତ ହୋଇ କୋର୍ଟ ପରିସରରୁ ବାହାରକୁ ବାବାରି ଆସିଥିଲେ । ଫଳରେ କିଛି ମିନିଟ୍ ମଧ୍ୟରେ କୋର୍ଟ ପରିସର ଖାଲି ହୋଇଯାଇଥିଲା ।
ତେବେ ଏହି ଘଟଣାର ସୂଚନା ପାଇ ପୋଲିସ ଓ ବରିଷ୍ଠ ଅଧିକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । କୋର୍ଟ ପରିସରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିଲା । । ଏହି ଧମକପୂର୍ଣ୍ଣ ଇ-ମେଲ୍ର ସତ୍ୟତା ଯାଞ୍ଚ ସହ ଘଟଣାର ତଦନ୍ତ ଆରମ୍ଭ କରାଯାଇଛି । ପୋଲିସ ପକ୍ଷରୁ ସମ୍ପୂର୍ଣ୍ଣ କୋର୍ଟ ପରିସରରେ ଛାନଭିନ ଚାଲିଥିବା ଜଣାପଡିଛି ।
