ଭୁବନେଶ୍ୱର : ରାଜ୍ୟର ଚାକିରି ଆଶାୟୀ ଯୁବକଯୁବତୀଙ୍କ ପାଇଁ ଏକ ବଡ଼ ସୁଯୋଗ ଆସିଛି। କମ୍ବାଇଣ୍ଡ ୟୁନିଫର୍ମଡ୍ ସର୍ଭିସେସ୍ ମାଧ୍ୟମରେ ମୋଟ ୭,୨୬୮ଟି ବିଭିନ୍ନ ପଦବୀ ପାଇଁ ଓଡ଼ିଶା ୟୁନିଫର୍ମଡ୍ ସର୍ଭିସ ଷ୍ଟାଫ୍ ସିଲେକ୍ସନ କମିସନ (ଓୟୁଏସ୍ଏସ୍ଏସ୍ସି) ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି।
ଏହି ନିଯୁକ୍ତି ପ୍ରକ୍ରିୟା ସମ୍ପୂର୍ଣ୍ଣ ଅନଲାଇନ୍ ମାଧ୍ୟମରେ ପରିଚାଳିତ ହେଉଛି। ଇଚ୍ଛୁକ ତଥା ଯୋଗ୍ୟ ପ୍ରାର୍ଥୀମାନେ ଅକ୍ଟୋବର ୨୩ ତାରିଖରୁ ଆବେଦନ କରିପାରିବେ ଏବଂ ଆବେଦନ ପତ୍ର ଦାଖଲ କରିବାର ଶେଷ ତାରିଖ ନଭେମ୍ବର ୧୨ ତାରିଖ ରାତି ୧୦ଟା ପର୍ଯ୍ୟନ୍ତ ଧାର୍ଯ୍ୟ କରାଯାଇଛି।
କେଉଁ ବିଭାଗରେ କେତେ ପଦବୀ ଖାଲି ଅଛି?
-
କନଷ୍ଟେବଳ (ସିଭିଲ୍): ୪,୨୧୯
-
କନଷ୍ଟେବଳ (ଓଆଇଏସ୍ଏଫ୍): ୨,୨୧୨
-
କନଷ୍ଟେବଳ (ଯୋଗାଯୋଗ / କମ୍ୟୁନିକେସନ୍): ୩୦୦
-
ଫାୟାରଫାଇଟର: ୩୧୭
-
ଫାୟାରଫାଇଟର ଡ୍ରାଇଭର: ୬୨
-
ଡ୍ରାଇଭର (ପିଏମ୍ଟି): ୧୫୪
-
ଟ୍ରାଫିକ୍ କନଷ୍ଟେବଳ: ୪
-
ମୋଟ ପଦବୀ ସଂଖ୍ୟା: ୭,୨୬୮
କିପରି କରିବେ ଆବେଦନ?
ଶିକ୍ଷାଗତ ଯୋଗ୍ୟତା, ବୟସସୀମା, ପରୀକ୍ଷା ପଦ୍ଧତି ଏବଂ ଆବେଦନ ଶୁଳ୍କ ସମ୍ପର୍କିତ ସମସ୍ତ ବିସ୍ତୃତ ତଥ୍ୟ କମିସନଙ୍କ ଅଫିସିଆଲ୍ ୱେବସାଇଟ୍ https://ousssc.odisha.gov.in ରେ ଉପଲବ୍ଧ। ପ୍ରାର୍ଥୀମାନେ ଶେଷ ସମୟର ଭିଡ଼କୁ ଏଡ଼ାଇବା ପାଇଁ ଯଥାଶୀଘ୍ର ନିର୍ଦ୍ଧାରିତ ୱେବସାଇଟ୍ ପରିଦର୍ଶନ କରି ଅନଲାଇନ୍ ଫର୍ମ ପୂରଣ କରିବାକୁ ପରାମର୍ଶ ଦିଆଯାଇଛି।
