ନୂଆଦିଲ୍ଲୀ : ଭାରତୀୟ ଷ୍ଟେଟ ବ୍ୟାଙ୍କକୁ ଆଜି ୭୦ ବର୍ଷ ପୂର୍ତ୍ତି ଅବସରରେ ମଙ୍ଗଳବାର କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଅଭିନନ୍ଦନ ଜଣାଇଛନ୍ତି। ସାମାଜିକ ଗଣମାଧ୍ୟମ ପୋଷ୍ଟରେ, ଶ୍ରୀମତୀ ସୀତାରମଣ କହିଛନ୍ତି ଯେ ୨୩ ହଜାରରୁ ଅଧିକ ଶାଖା, ୭୮ ହଜାର ଗ୍ରାହକ ସେବା ପଏଣ୍ଟ ଏବଂ ୬୪ ହଜାର ଏଟିଏମ ସହିତ ଭାରତୀୟ ଷ୍ଟେଟ ବ୍ୟାଙ୍କର ସେବା ଅତ୍ୟନ୍ତ ଲୋକପ୍ରିୟ ଏବଂ ଏହା ପ୍ରତ୍ୟେକ ଭାରତୀୟଙ୍କ ବ୍ୟାଙ୍କ। ସେ ଆହୁରି କହିଛନ୍ତି ଯେ ଗତ ଦଶନ୍ଧିରେ ଏହା ହାସଲ କରିଥିବା ଡିଜିଟାଲ ପରିବର୍ତ୍ତନ ଏହାର ଗ୍ରାହକମାନଙ୍କ ପାଇଁ ଅତ୍ୟନ୍ତ ଲାଭଦାୟକ ହୋଇଛି।
ଅର୍ଥମନ୍ତ୍ରୀ ରାଷ୍ଟ୍ର ନିର୍ମାଣରେ ବ୍ୟାଙ୍କର ପ୍ରଭାବ ଉପରେ ଆଲୋକପାତ କରିଥିଲେ। ସେ କହିଥିଲେ ଯେ ଏସବିଆଇ ୧.୫ କୋଟି ଚାଷୀ, ମହିଳାଙ୍କ ନେତୃତ୍ୱରେ ୧.୩ କୋଟି ସ୍ୱୟଂ ସହାୟକ ଗୋଷ୍ଠୀ, ପିଏମ ସ୍ଵନିଧି ଯୋଜନା ଅଧୀନରେ ୩୨ ଲକ୍ଷ ରାସ୍ତାକଡ ବିକ୍ରେତା, ୨୩ ଲକ୍ଷ ଏମଏସଏମଇ ଏବଂ ବିଭିନ୍ନ ଯୋଜନାରେ ଲକ୍ଷ ଲକ୍ଷ କାରିଗରଙ୍କୁ ସହାୟତା କରୁଛି। ସେ ଆହୁରି କହିଛନ୍ତି ଯେ ଷ୍ଟେଟ ବ୍ୟାଙ୍କର ୧୫ କୋଟିରୁ ଅଧିକ ଜନଧନ ଆକାଉଣ୍ଟ, ୧୪ କୋଟିରୁ ଅଧିକ ପିଏମ ସୁରକ୍ଷା ବୀମା ଯୋଜନା, ୧ କୋଟିରୁ ଅଧିକ ଅଟଳ ପେନସନ ଯୋଜନା ଏବଂ ୭ କୋଟି ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା ହିତାଧିକାରୀ ଅଛନ୍ତି।
