କନ୍ଧମାଳ, ୬/୯: କନ୍ଧମାଳ ଜିଲ୍ଲା ବାଲିଗୁଡା ପୋଲିସ ପକ୍ଷରୁ ଆରମ୍ଭ ହୋଇଛି ଅପରେସନ ପ୍ରହାର ଅଭିଯାନ l ରାଜ୍ୟ ପୋଲିସ ମହାନିର୍ଦେଶକ ଙ୍କ ନିର୍ଦେଶ କ୍ରମେ ସମସ୍ତ ଶିକ୍ଷାନୁଷ୍ଠାନ ର ଶହେ ମିଟର ପରିଧି ମଧ୍ୟରେ ନିଶାଦ୍ରବ୍ୟ ବିକ୍ରି ଉପରେ ରୋକ ଲଗା ଯାଇଛି l ଅପରେସନ ପ୍ରହାର ଅଭିଯାନ ନେଇ ବାଲିଗୁଡା ଆଦିବାସୀ ମହାବିଦ୍ୟାଳୟ ର 100 ମିଟର ପରିଧି ମଧ୍ୟରେ ଥିବା ବିଭିନ୍ନ ଦୋକାନ ରେ ଚଢ଼ାଉ କରାଯାଇଥିଲା l ବାଲିଗୁଡା ଏସଡ଼ିପିଓ ରମେନ୍ଦ୍ର ପ୍ରସାଦ ଙ୍କ ନେତୃତ୍ୱ ରେ ପୋଲିସ ଟିମ ଚଢ଼ାଉ କରି କଲେଜ ଛକ ନିକଟରେ ଥିବା 5 ଟି ଦୋକାନ ରୁ 405 କେଜି ସିଗାରେଟ ଓ ତମାଖୁ ଦ୍ରବ୍ୟ ଜବତ କରାଯାଇଛି l ଅପେରସନ ପ୍ରହାର ଅଭିଯାନ ରେ ବାଲିଗୁଡା ଥାନା ଅଧିକାରୀ ସମ୍ବିତ ସ୍ୱାଇଁ ଙ୍କ ସମେତ ସ୍ୱତନ୍ତ୍ର ସ୍କ୍ୱାଡ଼ ସାମିଲ ହୋଇଥିଲେ l
